ЕДИПСОС лето 2025 Грција

ЕДИПСОС лето 2025 остров Евиа е вториот по големина грчки остров и е вистинско место за оние кои бараат автентичен одмор далеку од гужвата и комерцијалните дестинации. Пристигнувањето до Евиа е многу едноставно, од правец на Солун и Северна Грција, тргнете по автопатот Солун – Атина и ќе пристигнете во пристанишниот град Глифа, од каде што можете да одите со траект до Агиокампос. Приморска бања со крајбрежен шарм. Едипсос е совршен избор за оние кои сакаат повеќе од класичен летен одмор. Овој крајбрежен град е познат по своите лековити термални извори, поради што го нарекуваат и „бањата покрај морето“. Термалната вода во Едипсос, која извира директно од карпите и се влева во морето, со векови се користи за релаксација и подобрување на здравјето. Термалните извори во Едипсос се богати со минерали кои благотворно делуваат на кожата, зглобовите и циркулацијата. Капењето во овие топли извори е вистинско уживање, особено во раните утрински или вечерни часови кога се создава магична атмосфера.